《最佳位置系列》- 還會有機入領展（823）？

這兩天很多人也評論領展，小弟又有一點時間，又加入去評一評。係咪Everything is wrong。

今次領展823 供股，合共發行最多4.38億股，供股價44.2元。而過去十年領展（2014-2023 ）用了175 億元回購。以今日收市價＄62.8，供股價＄44.2，五供一，理論上除權價係＄59.7。而我用坊間的資料，嘗試用時勢派的技術角度去睇，先不談供股。反而嘗試撇除供股令市場不滿嘅諗法，用另一角度去睇睇。基本面中，先用基本到不得了的數字來輔助。

1. 領展由2021 H1淨利潤-16x% , 到2022 H1淨利潤+24x%，到2023年淨利潤仲是有+12x%。講淨利潤其實都唔算近期好差。資產負債率就由2021 年開始維持約25%，至今未超過30%。

2. 償債比率的流動比率也不算低，2022 至2023 還有增長。究竟823有幾缺錢？外圍加息對它有幾大影響？莫非做了按揭H plan？找唔到利息？所以要大幅供股籌期？暫不討論。表象來說，不算垃圾股。管理層過往的高位回購決定，妄顧股東利益？股民來說，基本上財息兼收是原始理由，而時勢派投資者，主要先將標的公司養份分類，便開始進入打法判斷。

3. 先會將2018年至今，用3月份為中位數。將823的平均價放入5年日線圖。會第一步會發現阻力位重重。用平均價作成本交易價配五年圖走勢，$69為核心成本阻力。

4. 主力權益披露方面，摩根大通在1月4日起已經平均$59.4減倉至5%以下，整整一個一月，最後一個好倉在1月31日平均價$62.8 再加。2月2日又平均價$64.4減得仲狠，多過之前。簡直短炒823 專家？點解22年12月14日大舉$57.57入2%。呢兩個月，供股前無10%利潤，都有5%。1月31日仲有淡倉。而貝萊德同樣減持好倉於1月5日。你話啲大股東收唔收到風？基本上$64.9都有大行減持。

5. 而呢一季最高淨流入，係喺中信里昂，其後就是高盛。不代表他們沒有沽貨，只是淨流額是首兩位。而平均價成本價就是$58.6-$59.3會附近。代表什麼？就係股價如跌穿$58.6，呢啲大行就步入一齊蟹。

6. 走勢方面，5 年真正的升幅浪。由2020年3月開始，嚴格來由2021年8 月失去市場人氣支持力（RSI 方格）慢慢令上升趨勢可以說由2022年2月結束了。

7. 之後延伸由2021年7月失人氣值的跌浪，為期至2022年10月「算」是結束？其實未。大反彈，只是在速阻力頂部形成了兩個方格的兩頂。

8. 2年KDJ週線，配合得天衣無縫準備向下沉。技術走勢上$52.3以上合理支持，「本來」一個合理反彈的判斷位置介乎於$52.3至$54.7。如果連這基本都守不到？再繼續落配KDJ去先打回原形，配其他指標，自然才預出下一個轉向位。

9. 老實說，如果再買得823。如果捉反彈浪，要有耐性。由失去人氣值（當然可能同疫情影響有關）。2021年9月起當中反彈約18%回報，之後約23%，45%。如果係等高低位嘅合理回報，就用18%做標準吧。理性化來說，等下一個RSI 出現超賣水平，才去諗一諗會唔會變返係一個好選擇也不遲不竟實在太多好嘢選擇。

10. 復常概念，雖然對823係加分。不過由業務中變做搞炒好場去賣開始，將來經濟活動情況對其影響不少。$64.9就是必然短線阻力，留意主力下一步手影。

⭐️以上各點，純粹站於時勢派投資者，利用自家最佳分置概念去評。不涉及直接嘅投資買賣建議。覺得有些少價值，請唔好齋睇，「記得分享！」和Like。這個是鼓勵一些肯做功課的人，分享自己所知的源頭。

文@莊主

本人目前沒有持有領展823股份

所有分享純屬個人看法，分享內容並非投資意見，亦不構成任何投資產品之要約、要約招攬或建議。另本人無法保證有關內容的真確性和完整性。投資者應自行判斷自己投資所需，尋求專業意見和評估風險。

#最佳位置 #領展 #時勢派
#莊主
#供股
#Logic投資山莊